brasso mad man

[madsuya]

ah wish ah have ah cam yuh wudda c for yuh self!!!

 

[madsuya]

well today madman laughing loud an opening he mouth, so ah ask him wat
ur laughing so hard wit ur mouth open for!!! mad man say d prime minister say to smile alot this weekend,
so ah want to know y, he say d prime minister say dis weekend is
"show-gum" :Yea:

 

[RauCous]

HAHA lol that's a good one. i bet alot of children thought it was chewing gum lol.

 

[madsuya]

yeh, today d mad man had ah piece of styrotex an he was shed it all over an laughin,
so ah figured he want to c snow!!!

 

[LadyDeath]

lawd u and this madman yes!

 

[madsuya]

dis mornin comin from work ah c d mad man sellin lil paper boats (made wit newspaper) for ah dollar!!! ah guess today ppl does pass to go water park

 

[madsuya]

yuh know d water does drip from d bus a/c at d bk, today madman running behind d bus, following d water trail!!! u have to c it to laugh.....lol

 

[madsuya]

serious ting today madman wearin ah long handle black jacket....walkin d road an pretendin to b Jack Warner.....it realy have some caractors out dere yes!!!

 

[LadyDeath]

madsuya u really need to take out ah picture of him and post it up lol

 

[madsuya]

u guys will rel crack up!!!

 

[madsuya]

mad man cussin up ah storm dis mornin....but yuh kno ah does pick out some ah d tings an tell alyuh.....he sayin dat..."black is white, day is nite, pigeons does mooo an cows does go cooo"

 

[LadyDeath]

my friend tell me mad man have ah friend and a time they went in a church and tell everyone how they want bread and wine

 

[madsuya]

lol....dey r all over!!!

 

[madsuya]

ah hear madman sayin dem storie riters rel stupid coz dey does say dat Olive oil had 2 man popeye and bluto, Jasmine was in ah forbidden relationship with Aladdin.....Snow White liv alone wit 7 men....Pinnochio was ah dam liar....Robin Hood was ah bleddy thief....Tarzan does walk wit no clothes on....A stranger d kiss sleepin beauty and she maried he....an Cinderella d lie an sneak out at nite to go ah party....an alyuh feel i mess up!!! alyuh fel i izza stupidee oh wat..............

 

[madsuya]

dis mornin madman tellin me he doh want to c inside ah school again nah....coz he never lik school....so ah ask him y so he say
"meh mis was to always bawl on me for things ah never do"
y tell meh nah
he say"meh home lesson..ah never do dat"

 

[madsuya]

sad news....madman got bounced down today an is hospitalized....we will miss him around!!!

 

[LadyDeath]

so sorry....Until next time again we hope you will grace us with some of his jokes lol

 

[madsuya]

madman is out an bk on d street....dem doh get sick boi....if it was one of us we wouldda sure dead buh dem hav many lives yes

 

[LadyDeath]

Wheyy dont get tie up nuh they are the healthiest set of ppl alive because they get use to bacteria